إتبع اسلوب حديث غير تقليدي .. في فهم الآيات و التأمل فيها ..و شوف شلون اتحسن أحوالك بشكل عجيب

[justice]

.. تخيل أنك تقرأ الآية :

وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَأُولَئِكَ هُمُ الْمُفْلِحُونَ (104) آل عمران... ​

ثم تمسك قلم و تحولها الى سؤال و جواب


** شلون ؟

آنا أقول لك ..شوف شلون :

من هم المفلحون ؟


هم الذين :

1 - يَدْعُونَ إِلَى الْخَيْرِ

2 _ يَأْمُرُونَ بِالْمَعْرُوفِ

3 _ يَنْهَوْنَ عَنِ الْمُنْكَرِ

شخص يسأل بفضول: "ما الفائدة من تحويل الآية إلى سؤال وجواب؟
ولماذا أتعب نفسي بتقسيمها لنقاط؟":

آنا راح أرد عليك ..و لكن الرد راح اخليه
و كأنك انت ترد على نفسك بنفسك .... ​

--------------------

علي آل بن علي

 

[justice]

"يا أخوي، الموضوع مو مجرد ترتيب أوراق، السالفة وما فيها إن هذا منهج تعليمي بحت.

إنك تحوّل نص الآية من مجرد 'كلام عابر' نقراه بـعجلة، إلى طريقة 'سؤال وجواب'.. هذا هو اللي يخلي المعلومة تثبت بالقلب وبالبال وما تطلع منهم.

ركّزززززز معاي.. هذا هو اللي يخلي العلم يرسخ وما يروح، وهذا اللي قاعدين نعاني منه.. إننا نقرا القرآن بس ما يبقى منه شي يغيّر في حياتنا.

وخل أقولك ليش أنا أسوي جذي:

أولاً: بهالسؤال أنا قاعد أرسم لنفسي خارطة طريق واضحة. كلمة 'الفلاح' كلمة كبيرة وعامة، بس لما أسأل: 'منو هم المفلحون؟' أنا هني قاعد أحوّل هالمفهوم العظيم لـنقاط عملية ومحددة.

جذي أطلع من دور المستمع اللي بس يسمع، لـدور الباحث عن 'شروط النجاح'؛ وكأني قاعد أحط لنفسي (Checklist) عشان أكون واحد منهم.

ثانياً: إنت تدري إن العقل يمل من الروتين، بس يموت على حل الألغاز.

فلما أطرح السؤال، ذهني ينتبه ويقعد يدور على الإجابة. هالتركيز يخلي هالنقاط الثلاث (الدعوة، والأمر، والنهي) تطبع بالذاكرة وما تنسي، عكس القراءة العادية اللي تمر مرور الكرام.

ثالثاً: وهذا هو صلب الموضوع في 'التعلم المستمر'، أنا قاعد أحوّل الآية لـ منهج عمل صجي.

أنا هني ما أقرا بس عشان البركة أو 'أخلص وردي' وأمشي وقلبي فاضي، لا.. أنا أقرا عشان 'أطلع' أدواتي بالحياة.

هالأرقام (1، 2، 3) هي اللي تحوّل الوعظ العام لـ خطة استراتيجية حقي وحق اللي حولي.

رابعاً: هالطريقة تسهّل عليّ محاسبة نفسي. صعب تحاسب نفسك على كلام عايم، بس وايد سهل تسأل نفسك بليل:
'هل أنا اليوم دعوت للخير؟ هل أمرت بالمعروف؟'.

الإجابة المحددة هي اللي تعلمك إنت وين واقف بالضبط من صفات المفلحين.

آخر شي يا صاحبي، هذا هو الربط الحقيقي بين العلم والعمل.

المفلح بنظري مو اللي يقرا الآية ويسكر المصحف، المفلح هو اللي يطلع 'الوظيفة' اللي تبيها منه الآية عشان يطبقها بواقعه.

يا سلام لو بعد اعرف لما اخلص من قراءة الآيات و اروح اعيش حياتي
اروح الدوام و السوق و البيت و غيره .. و ين القى هالهدى.. شلون اشوف اثره على الناس,, شلون يتطبق ؟؟​

علي آل بن علي